شعر بدوي مكتوب

###############✔
يسعد صباح من هو عزيز وغالي
ويسعد صباح من يتابعني بشوق

ويسعد صباح الجميع اول وتالي
أهل الوفا والطيب والعز والذوق


###############✔

اللـي يتابعني عـسى الله يحييه
يامرحـبا مثـل المـطـر فيهطوله

ومن صـد عني جعـل ربييهنيه
كلن يبي ذوقـه  ويتـبع ميوله

###############✔

تعبنا من العالم والاعذار والتبرير
وتعبنا .. نراعي .. عالم  ماتراعينا

نزعل خواطرنا ونمشي عشان الغير
وزعلنا .. وﻻ شفنا  عيون تراضينا


###############✔

الذيب ياكل حلال المساكين
وليا أصبحوا قاموا يمدحونه

مثل الذي في رصيده ملايين
يهين بعض الناس ويمدحونه

###############✔

والله ولي حق افتخر في سنيني
دامي على عرش الكرامه تعليت

واعتز في كل خطوه وارفع جبيني
واقول تراني على يد أبوي تربيت

###############✔

ياالله صباح الخير من قلب مشتاق
يهدي لك اشواقه على فكة الريق

جمعت انا صبحك على كل،ما لاق
بــ بيات شعر تعجب الناس، وتليق

###############

يالله تبعدني عن النقص والعيب
وتبعـد لساني عن مناقيد خلقك

اسألك يا ربي حياتن على طيب
وأسألك غفـرانك وسترك ورزقك

###############✔

يسعد مساكم .... يـ أهل الود والخير
ويسعد مساء من جابني في مساكم

اليوم ...... غنتك القـوافـي عـن الغير
يامن سحـر عطر القـوافـي هــواكـــم

###############

ماكل مــن يشفق علـى الصيد قناص
ولا كل مــن قـال الـقـصـاايـد وزنـها

لـو كل مـن طب البحر صاار غواص
الـجـوهـره لابــد يـرخـص ثـمـنـهـا‼️

###############

الصبح في طلّه محياك محلاه
يانور صبح اللي من الصبح صاحي

اصبحت فيك واصبح الملك لله
وفيك انت يحلا ياحبيبي صباحي

###############

لا تترك اللي خوته تجلب الطيب
أحرص على قربه لو الفقر غطاه

واحذر من اللي خوته تجلب العيب
لو كثر ماله و اعتلى سور مبناه

###############

أحد على سر الصداقه يصونك
وأحد على سر الصداقه حكى فيك

ربع الرخا لاضقت صعبه يجونك
وربع الشدايد واحد بس يكفيك

###############

فيروز غني لي مع الصبح حاجه
أبغى صباح اليوم مَ يشبهه شي

غني عسانا ، يوم صدفه نتواجه
عَ مفرق الوادي او ب آخر الحي

###############

خاوي الرزين اللي طباعه ثقيله
ولا تخاوي انسان عيوبه تمشيه

بعض البشر حتي سلامه فشيله 
والبعض لاسلم ماودك ، تخليه

###############✔

ترا التغلي ... ما يفيد ، المحبين
لا صرت تعشق صاحبك / لا تغلا

احذر تقول ان جا يراضيك بعدين
بعدين تصبح  [ من تغلا ، تخلا ]

###############✔

حـاول تميــز في طبوعك وتختار
احلى الطبوع اللي لها قدر وثمن

ثلاث تجعل لك مع النـاس مقدار
اسلوبك وطيبك مع الخلق الحسن

###############

الطيب ما هو عز في كل الأحيان
الطيب في بعض المواقف مذلّة

لا صرت دايم تاخذ الطيب عنوان
يجيك من هو بالردى يستغله

###############


لا تأخذ الدنيا خراصٍ وهقوات

يقطعك من نقل الصميل البرادي

لك شوفةٍ وحده وللناس شوفات

ولا واديٍ سيله يفيض بـوادي

###############

لعنبوها شيـبت بـ رموش عيني
دلوعه حسبي على اللي خلفوها
انا أبيها وهي تقول أنت ماتبيني
فهموها قبـل لا ألعن ابوها ..😠

###############

لا خيـر في نـاس تلون هـواها
تميل حسـب الفايده والمصالح

تركض مع اللي بالمهونه شراها
مـاهمها بالناس صـالح وطالـح

###############

بعض العرب يحدك دايم على الشين
مايمسكه   طيبً   ولا   مقدريه

وبعض القرابه قربهم يعمي العين
ينم فــــي ظهرك صــباح وعشييه

###############

هو ملني .… والجرح حبه ولا مـل
يفرح اليا جاء في ضميري وشافه
مهما يعيش…... الـورد لابـد يذبـل
والغصن يلقى.....هيبتـه بإرتجافـه

###############✔

يطيب لي بالشوق ذكرك وطاريك
وأسرح وأفكر فيك وادرس صفاتك

لو جيتني مشتاق تدري واش اعطيك
قل لي أبي روحك وانا أقول جاتك. .

###############✔

كل المشاعر مغرمه في صفاتك
يا نصفي الثاني وشوقي وطاريه
.
إن كان حبي صار جزء ب حياتك
حبك حياة القلب منت ب جزء فيه

############### ✔

ماينكتب شـعـر ...   بليا مشـاعــر
ولا ينكتب بيت بلا صدق واحساس

صحيح بين الـناس ملـيون شـاعـر
لكن قليل اللي عجب شعره الـناس

###############✔

أبيك مثل الورد في الروح مزروع ★
والروح والأحساس والنفـس بيتـك☆

أبيك مثل الــنور في عيوني مطبوع★
و أنظرك يوم أشتاق شوفك فديتك..♥

###############✔

لو يطول البعد في حكم الظروف
الغلا في القلب .. لك مني وعـد

ولو يطول الوقت لا يلحقك خوف
ما يموت الشوق .. في قلبي أبـد

###############

لبى ضلوع آلمحاني يوم حنت لك
وأنا على اآشوق أغنيلك والآحيها

ولبى حروف آلقصيده لآتغنت لك
ليتك على صوتها يازين توحيها

###############

لاصار أعز الناس يلوي ذراعك
لاعاد ترجي من ورى عشرته خير

أرفع على متن السفينه شراعك
وأرحل على متن البحر والمقادير

###############

كل العرب بالرخاء عشره على عشره
كلن يقول الوفاء عندي وانا الوافي

ولا جاء نهار الشدايد ضاعت العشره
راحت علوم الوفا ارباع وانصافي

###############

ان كان أقربهم لك يشهر فيك
خله يشهر ماتوقف عليهم.
دايم تشهر بس حدد مساعيك
نبغي نعرف شورى تشهيرهم

###############

الصاحــب اليا خاب خلّــه مع الدرب
وإن طاب لا ترفع على الناس نجمه
خلّك مثل (١) وسَط جـدول الضرب
ما يعطي اللي قابلـه .. فوق حجمه !

###############


مٓ الله خلق وجهك علشان مكياج
ميكب ، ، وإلا مسكره لا تحطين

أشوف إن وجهك على طول يحتاج
للآية الكرسي تحرصه من العين

###############

يارب ثبــــتنا على دين الاسلام
يوم البشر هالوقت زلت خطاها

ثم اكفنا شر الليـالي والايـــام
واكتب لنا خير الحـياة ورخاها

###############

اللي يخـونك بـ الهوا لاتخـونه
خله على كيفه و يلقىٰ جـزاته

اصبر .. عليه بذمتي يغدرونه
و يذوق ماذقته ويكره حيـاته

###############


دون قصد. .احـس معه بـ إرتياح
لو يغيب بلآ سبب . .اشتاق له !
وإن حضر صـدري بدأ فيه انشراح
هو كذا..بعض البشر   ترتاح له

###############

ياساكـت وفـي داخـلگ معركــة  بــوح
خل السكوت يموت .. بأحضان بوحـگ

إن كنت تشكي بـ الخفا عشق وجروح
غيرگ يموت بصمت في عشـق روحـگ

###############


اثر الزمن دوّار ، وايامنا طيش
ومصادم الأيام ، تحتاج صمله

الطير ياكل نملة الأرض ويعيش
وان مات ، لحم الطير تاكله نمله ..

###############


نامت وخلتني مع الهم سهران
شلون ابرقد عودتني عليهاا
قولولها قلبي من الضيق مليان
قومي دخيل الله لا اروح فيهاا

###############

تدري إن : الغلا ، معناه الأمان
وإنت آمن شي بّـ الدنيا علي
وينك إنت عن حياتي من زمان ،
ضاع عمري لين جابك ربي لي !

###############

الغياب أحيان نوع من الجنون
خصّ  لا حبيت من قلب وعقل

من  رحلت  وعانق الدمع العيون
مابقى للفرْح في صدري محل

###############

اوجـعتني والله اني مـنـك مـستوجع
يا لـيت حـجم العذر قـد الخطا البيّن

كنت احسب ان الخطا هين ولا يوجع
إيلين جـاني الخطا اللي ما هو بهيّن

###############


الشوق في صوتي قصيدٍ و بحّه
أقسى من طعون الأهل و القرآيب

قلبك غفى عن طآري البعد صحّه
تعبت  أحبك  وأنت لـ الحين غآيب

###############


حي المساء اللي فيه جيتك وطلتك
فرحتي فيه مثل فرح البشر بالمطر

لا تطول في غيابك وسارع بجيتك
شفني في جيتك من الفرح بطير !!

###############


لا شـفت اسـمگ أبتـسم لا شعـوري
مدري وش اللي صابني يوم شفتك

ولا غاب اسـمگ " ما يـبين حضوري
تفـقدني العالم وأنــا اللي فقــدتك”

###############


هب السهر وانا على حروة نعاس
واشعلــت ضوي للسهر ياحروفي

ان زارني شعري مع الليل لاباس
اهــم ماعنـدي كـرامـة ضيـوفي

###############

شيخه وذربه وفي اخلاقها قمه
وفيها يزين القصيد وينطرب  قافي

تستاهل احبها في ذمتي ذمه
والقلب صافي وفيها زين الاوصافي

###############

مآغفيت وفكري آلبارح شتآت
ي آلعيون آللي غفت بآهدابهآ

آلوفآ طبع آلجروح الأوّلات
ولآوفت مثل آلجروح أصحابهآ

###############

هونك على المشتاق يا عازف العود
هيضت مع عزفك شعور الشقاوي

داعب لي الأوتار يا عازف... العود
روحي دهر وعروق قلبي .. ضمايا

###############

الحب ماهو دق رقمـي وانا اجـيك
ولا رسايل شعر مــن قــول شعار

الحـب شي داخـــل القلب يرميك
فــي تهلكة عــاشقك لو كان جبار

###############

كلامك اجمل  من سكوتك اذا طال
اسمعك باحساسي ويضحك خفوقي

شفت  المطر لا بلل  وجوه الاطفال
يشبهك 😍 لا بلل  كلامك عروقي

###############

علموا اللي دار جدة تحتويه
ما بقى للشوق بضلوعي مكان

كان ينوي الهجر ولا يرتجيه
قلله ترى قلبي مفارقة الامان

###############


لم يعد يهمني إن غبت ام أتيت
لم يعد يؤثر بي البعد و الفراق
لقد احببت يوما و اكتفيت
و اطفأت بداخلي كل اشتياق .

################✔

قالت كيف الشـوق في صدر الغياب
قلت نفس الشـوق في حضن اللقى

قالت أصل العشـق اخـرته عـذاب
قلت أصل العشق حلوه بالشقى

################✔


‏قل للزمٓن لآضاق صدري عوآفي
بكره تزين وينشرح خآطر آلوجد

كآن الآلم في محجر آلعين غآفي
ترى الآمل مآله وسط خآفقي حد

################✔

‏ليت لي قلب علي الصده قوي
لا غزاه الشوق عيا لايجيك

البلا عشقي طلع عشق ابدوي
لو تغيب سنين مايقسي عليك

################

لاجاتك الكلمه وتفهم بوجهيـن
مافيـه داعي للجـدل والتسائـل

حاول تفهّمها من الجانب الزين
ماهـو جهـل منك ولـكن تفـائـل

################


الصاحب الي يرفع الراس طاريه
نوفــــي لــه الميزان ونكرم جنابه
ونزيد في حقه وناخذ ونعـطــيــه
ولانسمــع النمام مهما حـــكى به.

################