البس عباة اختك وعطها عمامتك .. لا صرت ماتقدر دروب الرجالي

البس عباة اختك وعطها عمامتك لا صرت ما تقدر دروب الرجالي سود الليالي بيّنتلي رخامتك الله يبيّض وجه سود الليالي نفعتك وكبّرت ياللاش هامتك عقب الوطا حطيتك براس عالي وعيّت تبيّن فالمواقف شهامتك ياللي عليك اللوم فأول وتالي بنت الرجال اختك تذمّك ولامتك وعقب الذي سويت ياهمّلالي لخاطر ربوعك حفظنا كرامتك ولا ترى شرواك حدر النع*** قامت علينا يالضعيّف قيامتك حاسد رجالن صيتهم فالعلالي حنا ذراك ان كان الايام ضامتك وحنا عمامك غصب يابن الحلالي ليتك توّحى وش تقول الك مامتك وتترك هروج قصيّرين الحبالي ناس ٍ بزود المال ياللاش سامتك واستاجرو منك اللسان الملالي وأخذت تنغى مثل منغى حرامتك وتحاول تداحم جبال ٍ ثقالي عندي لك علاج ٍ يعالج غشامتك من كف مطنوخ ٍ يفك ّ التوالي وان جات منك الثالثه جت غرامتك تحذير حيثك منت جاهل مقالي الاوله راحت وقلنا سلامتك اكفاك ابوفيصل عريب الخوالي واليوم حاذر قبل تعلن ندامتك ما دامها جتني وجالي مجالي